Hüt simmer früh ufgstande, well mer hend welle uf Bäre sueche, und da het mer schins am meiste Chance am Morge a de Strasseränder ah & de Oliver het dene am Tag vorene au gseh. Schlafe hätte mer sowiso nüm chöne, das natürli mega hell gsi isch im Zimmer ohni Store. Ah und wo mer usm Feister gluegt hend, blaue Himmel & d’Sunne het drückt.. me cha also nid so uf de Wetterbricht go 😀
Also simmer los gfahre an Bow Valley Parkway und dete richtig Johnston Canyon los.. leider ohni Erfolg, kei einzige Bär. Somit simmer zrugg uf Lake Louise.. z’Morge hemer au no nüt gha und de het d’Sandra entdeckt, das mer bi de Lake Luise Gondala (dete wo Skirenne namigs stattfindet) für 39.5CAD pP chan Dine & Ride.. das heisst z’Morge ässe inkl. Gondel-Fahrt.. ohni z’morge hetti d’Gondle 37.5CAD kostet, also wege dene 2CAD meh und defür es Frühstück-Buffet… 😀 De hemer eus dete de Mage vollgschlage: Cornflakes, Toast, Muffins, Speck, Rührei, Waffeln.. bevor mer denne mit de (gschlossne, es isch chalt gsi!) Gondle uf de Berg ufe sind! Gemäss Plan hättis dobe 3 Wanderwege gha, leider sind alli gschlosse gsi, emu am Afang… Somit hemer halt d’Ussicht uf Lake Louise und zum See gnosse.. Wo mer denne zrugg hend welle hemer gseh das de einti Trail 1.7km offe isch und hend de no gmacht 🙂 Anschinend isch das die beliebtisti Gegend für Bäre, aber au do hemer kene gseh.. 🙁 Aber velech ja au besser so 😀 Derab simmer denne mit de offne Gondle, scho mega Chaaalt gsi 😀 Denne simmer no go Städtli Lake Louise aluege, Städtli isch also übertribe.. e paar wenigi Läde.. 😀
Aschlüssend simmer denne mitm Auto no an Petyo Lake gfahre, eine vo de schönste See bis ez.. so wunderschön blau <3 zum z’Nacht hets eus weder uf Banff zoge (de schönsti Ort bis ez, und au was los!) bevors denne zrugg is GuestHouse nach Field gange isch zum vo de Bäre z’Tröime 🙂
