13.30 Uhr – üsi Reis startet und mer werde vo de Sandra Eltere abgholt für an Abflug.. Churz vorem Abflug hemer no zwe Koffere kauft – also sehr guet vorbereitet 😀
Am Flughafe acho, Koffere abgä (20.0 & 17.9kg – mer chönd also Souvenirs mit hei neh :P), no chlini Stärki bis denne 17.35 de Flug los goht! Für d’Sandra z’erschte mal sone lange Flug, meh als 4h isch sie no nie gfloge.. für de Dominik ischs nüt abnormals mit sire Reiseerfahrig 🙂 die 29CHF extra hends sech immerhin glohnt, gnue Platz zum hocke – einzige Nochteil, eusi Nochbere hend es 1 Jahr alts Baby debi – super, da cha ja en entspannte flug werde 😀
Es gaht los, für de Dominik kei Problem, er luegt eifach ei Film nach em andere und dösed ebitzeli, d Sandra findet ke schlaf und Film luegt sie aua nid gern… als denne d Sitznachbarin ere Notizbluch führe nimmt und foht avo vom erste Tag schribe, het d’Sandra au z’Gfüehu, sie chönt vom Abentür brichte – und so isch de Blog entstande 😀
Irgendwenn isch denne au de Flug verbi gsi und mer sind in Vancouver acho, dur die ganz Sicherheitskontrolle etc i 20min dure gsi – de aber öppe 50Minute müesse uf de Koffer warte – aber au die sind de no cho 🙂 Für die ersti Nacht hemer es Hotel i de nöchi vom Flughafe buecht – Travelodge Hotel by Wyndham Vancouver Airport – uf de Fotine hets besser usgseh als in echt aber es isch ja nur für ei Nacht gsi – und s’Bett isch bequem gsi 😀
Leider het eus (zumindest d Sandra einiges meh) de Jetlag igholt und am morge am 3 simmer hell wach im Bett gläge.. für d’Sandra ganz Neuland, de Dominik isch aber zuversichtlich dass sech das leit – Danke! 🙂
