Au de Morge het mit emne z’morge im Hostel agfange 😀 Frösch gstärkt sind mir denne uf zum Hop on Hop off Bus. De Bus esch euses Tagesprogramm för höt gsi. Mer händ met de blaue City Park Route agfange welli eus wie de Name seit chrüz ond quer dor Stadt gfahre het. Euse erst Usstieg händ mer be de Science World gmacht wo irgend so en Ruder Contest stattgfunde het. Nachdem mer paar Minute zue gluegt händ sind mir rechtig Granville Island gfahre wos denne es feins zmittag geh het.
Aschlüssend händ mer die blau Route fertig gfahre und händ bem Kanada Place of die grüen Park Route gwechslet. Die Route het nachher ehri Tour dor de Stanley Park gmacht. Esch cool gsi do mer met em Velo ned ganz alles erkundet gah händ und en Teil no zfuess gmacht händ 🙂
Am obe esch es denn wohl zum loschtigste Ereignis vo euse Ferie cho 😀 Mer händ welle spontan sie und sind is Stadtviertel Yaletown glofe zum dört znacht esse. Nachdem mer a paar Restis verbi glofe send, sind mer eim stoh blobe wo eus Spiesscharte a gmacht het. Mer händ Glöck gah und grad no en Tisch becho. De Dominik het denne of de Spiesscharte gseh das es Chicken Wings geht und het die als vorspies bstellt. Sandra het sech en Artischocke Spinat Tip mit Chips bstellt. Wo denne die genannte Chicken Wings cho sind, het de Dominik ganz komischi Auge gmacht. Es sind ned Wings gsi sondern en Art chlini Fischstäbli metere sehr sarfe Sauce, de Dominik het sich nüt debi denkt und het mol probiert. Er het denne zemlich schnell festgstellt das es sich ned um Fleisch sondern um irgend en Fleischersatz handelt. Da het eus sehr stotzig gmacht ond mer händ Spiesscharte nomol genauer a gluegt und erst den gmerkt das mer imene Vegane Resti glandet send. Somit esch au de bestellti Burger ned en klassische sondern en Fleischersatz Burger gsi. De Dominik het ne aber trotz allem mit Müeh ond Not gässe 😀 Sandra het sich prächtig amüsiert debi 😀
Glaube de Fehler passiert eus nöm so schnell 😀
