Als mer am morge Ufgstande sind, sind mir wie immer zerst go zmorge esse, do mer i dem Hostel relativ guet het chöne zmorge esse, händ mer eus entschiede wieder im Hostel zässe. Nachere Portion Frootloops für de Dominik und es paar Toasts für Sandra esch es denne los gange rechtig Canada Place wo mer eus es Velo es Tandem für de hötig Tag gmietet händ.
Sandra het dere ganze Sach chli skeptisch entgege gluegt, do Sie no nie met eim gfahre esch. Aber scho nach wenige Minute het ehre das unglaublich Spass gmacht. So sind mer los rechtig Stanley Park gfahre um de zerkunde.
Do mer jo öferts ofem Velo unterwergs send 😀 sind eus die knapp 9km um de Park recht schnell vor cho 😀 Dorom hämmer eus för ein zwöiti gmüetlicheri Rondi entschede 😀
Nach diverse Abstächer an Englich Beach ond is Zentrum vom Stanley Park, händ mer denne au scho müesse euses Tandem zrugg geh. Aschlüssend sind mer denne chli dor Stadt gschländeret.
Zobe het den Sandra so loscht uf Momos gah (Himalaya Spezialität) dorom händ mer eus es Restaurant use gsuecht wo’s die geht. Do mer zobe sowie so händ welle de Sonneuntergang am English Beach go a luege und das Restaurant uf halbem Weg dört he gsi esch, het das super passt. Nach emne wörklich feine Znacht sind mer a de besagti Beach gange und händ in romantischer Obe stimmig de Sonneuntergang gnosse. Das esch wörklich en super Tages abschloss gsi *.*
