Nachere erholsame Nacht sind mer uf ond händ damol chli es bessers zmorge im Hostel gnosse. Höt esch vor allem ei grossi Aktivität ofem Programm gstande und zwar de Rundflug met em Wasserflugzüüg. Bevor mer aber zu dem chöme, händ mer eus uf gmacht zum Lookout Tower. Da esch wie de Name scho seit en Tower wo mer öber ganz Vancouver gseht. S’guete a dem Torm esch, mer chauft einmol es Ticket und chan nachher de ganze Tag immer weder ufe. Das händ mer den au gmacht. So hämmer Vancouver am Morge scho mol vo obe gseh.
Am 13:00 händ mer eus denne müesse be de Habour Air ifinde ond müesse för de Flug i checke 😀 gemacht getan esch es denne au gli los gange met em Flug, Es esch es Flugi met Platz för öpe 9 Passagiere gsi. mer händ gueti Plätz gah ond händ so öber de ganzi Flug us chöne schöni Bilder mache. Die Aktivität esch für eus beid doch es schön Erlebmis gsi 😀
Nachdem strenge Flug 😀 het de Dominik sech en Massage gönnt, während Sandra sech im Starbucks verwiilet het. Nachdem dere erholsame Stund sind mer denne eus is Hostel go entspanne. Am obe sind mer denne weder mol i die Old Spaghetti Factory go znacht esse. Es esch wie immer mega fein gsi.
Zum Schluss vom Tag händ mer nomol vo eusem Lookout Ticket gebruch gmacht ond send de wonderschöni Sonneuntergang öber Vancouver go a luege, eifach nome WOW gsi!!
