Am Morge simer ufgstande, hend alles zämepackt, im Auto verlade und sind rechtig Swartz Bay gfahre wo eusi Fähre zrugg of Vancouver gange esch, zudem esch es au die letzti Fahrt met eusem doch schöne Auto gsi. Well mer jetzt doch scho erfahreni Fährefahrer send 😉 hämmer gwösst das mer ned zfrüeh müend dört si. Pünktlich händ mer den euses Auto of Fähre gfahre ond händs eus ofem Schiff bequem gmacht.
Fahrt zrugg esch schöner gsi als he fahrt. Mer send a vellne chline Inseli verbi manövriert wo sech en Blick abem Schiff immer glohnt het. So sind au die 1h 30 Minute fahrt recht schnell ome und mer händ eus rechtig Flughafe gmacht zum euses Auto abzgeh.
Am Flughafe a cho esch da relativ en eifachi Sach gsi, mer send he gfahre de Alamo Mitarbeiter het euses Auto abgscannt und ond eus en Quettig usegloh. S’Auto esch chli dreckig gsi, da het ehn aber ned witers interssiert, somit esch alles i.o gsi 🙂
Mer händ eus met eusem Gepäck ufgmacht ond send in Sky Train igstiege wo eus direkt is Zentrum vo Vancouver brocht het. Nach 5 min laufe sind mer au i eusem Hostel „Hosteling International Vancouver – HI Vancouver“ acho. Aschlüssend händ mer eus uf zum Canada Place gmacht wo mer den die Touristeattraktion „Fly over Canada “ gmacht händ. Fazit devo esch, es esch cool gmacht aber chli entüschend well mer ned wörklich de Lifestyle vo Kanada gseh het met de Bäre, Elche etc.
Am Schluss sind mer denne zrugg is Hostel und händ eus scho mol of Stadt de Stadtrundflug vo morn vorbereitet.
