Nachdem simmer ufgstande sind, simmer zerst go z’mörgele. Es het en feine Crepe brucht, dass mer die Fahrt uf Victoria Island chöne meistere. Die ersti Fahrt isch vo Whistler an Horseshoe Bay gsi wo eusi Fähre uf Nanaimo gfahre isch. Echli z’früh acho hemer eus no müesse e Stund lang verwile wos dezue en guete Kafi und nid so es guets Cineman Bun gä het. Nachdem Durchsag cho isch, dass alli Fahrer zrugg zum Auto müend, ischs denne mitm Schiff losgange uf Vancouver Island.
Für eus beid es total neus Erlebnis gsi. D’Schiffahrt isch churzwillig gsi, das Schiff relativ gross gsi isch und vel z’biete gha het: Restaurant, Shopping-Ecke etc.
Nach 1.5h fahrt hemer denne abm Schiff chöne abefahre und sind direkt wiitergfahre uf Victoria. Dört acho hemer euses Hostel bezoge: Ocean Island Inn. Recht gmüetlichs Zimmer gsi für 2 Nächt.
Aschlüssend simmer z’Fuess go d’Stadt erkundige, sind as Fhiserman’s Warft gange, wos mega cooli Wasserhüsli gha het und hend no neu d’Wahle Watching-Tour für murn bueched.
Nach dem doch lange Tag hemer de Abig ime guete Restaurant loh usklinge bime feine Steak für de Dominik und d’Sandra het weder mal was Thailändischs gha 😀