Früh simmer los, well mer beidi nüm hend chöne schlafe.. so hemer eus uf de Weg nach Vancouver gmacht – zwüschestopp ime Ichaufslade zum eus mit z’Morge idecke und de ab uf die ca. 4 Stunde Autofahrt. Uf de Fahrt isch eus plötzli s’eint oder andere bekannt vorcho – dete simmer doch scho am 2. Tag in Kanada dure gfahre 🙂 Acho simmer de öppe am 12i im Hotel, hend ichecked, sind in Subway go z’Mittagesse und hend d’Stadt per Fuess erkundigt.
Zerst Downtown, den Gastown und Chinatown – es isch ganz was anders als in Calgary – so wies eus de Autovermieter ja au gseit het 🙂 Es gfallt eus beidne super do! Unterwegs hemer no en Handgepäckkoffer kauft – wie bringe mer schüsch alli Geschenkli hei? 😀 Leider hemer de denne de ganz Weg müesse mitträge, so simmer zwüsche dure mal is Hotel zrugg und hend ne deponiert.
Unterwegs i de Stadt hemer eus au no über d Möglichkeite vo Seattle erkundigt, was aber leider relativ tür isch und dumm isch, da nur 2x am Tag (morge früh oder zabig spat) en Zug fahrt.. mal luege..
Zabig simmer de (weder) id Old Spaghetti Factory go ässe, die geile Garlic Cheese Toast und denne isch scho schlafensziit gsi 🙂
Murn verbringe mer de halbi Tag no in Vancouver bevors denne ab in Whistler goht.
