Hüt hemer das nogholt, wo mer vor zwe Täg nid hend chöne mache wegem Schnee: de Icefield Parkway! Ursprüngli hemer ne vo Lake Louise nach Jasper ja welle mache, ez im Nochhinein simmer aber froh dass es nid klappt het, well wenn mers wie plant gmacht hätte, hätte mer ne nur vo eire Siite gseh, eso hemer ne einmal hin und einmal zrugg gseh – zwe ganz unterschiedlechi Sichte vom Parkway! 🙂
Üse Wecker isch am 6.00 los gange, mer hend früh welle unterwegs si zum allefalls Tier z’gseh und de Parkway chöne gnüsse. Eusi Gastmutter het eus en feini Bäckerei empfohle, wo mer eus ideckt hend mit z’morge: en Kafi, heissi Schoggi, Pizza-Bretzel, Gipfeli und Zimt-Schnegge (de hammer – de Dominik het vo sim nid viel gseh :P).
Euse erst Stopp isch de „Valley of the Five Lakes“ gsi.. en 4.6km Trail het eus um die 5 See bracht, niemert unterwegs, nur mer und die stilli Natur.. nach gut 1.5 Stund und zrugg ufm Parkplatz sind eus die erste Lüüt entgäge cho. Wiiter ischs gange zu unterschiedliche Wasserfäll und alsamt sind mega idrücklech gsi! 🙂
Uf eusere wiitere Fahrt simmer am Icefield Glacier verbi cho wo für eus Schwiizer nid bsunders idrücklech gsi isch – aber 100i vo Touriste hends wohl idrücklech gfunde 80CAD (= 60CHF) z’zahle zum 15 Minute uf de Gletscherzunge chöne z’spaziere! 🙂
Zum Schluss, nöchi Lake Louise, simmer no de „Mistaya Canyon“ go aluege, bevors weder de glichi Weg zrugg gange isch! Bim Zruggweg hets en Stopp bim Wilcox Pass gä, en Wanderig vo 1.4km hend eus zume Usichtspunkt brocht mit zwe Stühl und Blick uf de Gletscher 😀
Churz vo Jaspar hemer no en Abstecher an „Horseshoe Lake“ gmacht bevors denne zrugg is Dorf Japser gange isch zum z’Nacht: Burger und Bier ime Pub 🙂
Dank eusem Auto-Upgrade hemer während de ganze Fahrt super Fotine via Schiebedach mache chöne und einiges a Tier gseh – sogar 3 Bäre!!!! 🙂 🙂 Immer denne wenn plötzli alli ufm Highway aghalte gha hend, hesch gwüsst „dete hets Tier“ 😀 natürli hend au mir de aghalte und gluegt 😛
Das isch eine vo de schönste und idrücklechste Täg bis ez do in Kanada gsi! s’het eifach alles passt: s’Wetter, kei Natelempfng, guete Sound im Auto und eifach gnüesse 🙂
üsi Fahrt: