Tag 1 vo eusem Abentür isch gstartet – echli kaputt simmer zrugg an Flughafe und hend euses Auto abholt. Alli Formular usgfüllt und denne ischs zur Auto Uswahl gange: „gratis upgrade“ hets gä und mer hend vo 3 relative grosse (emu gemäss Sandra :D) auto chöne uswähle: entschiede hemer eus für en Ford Edge, Jahrgang 2019, 10.5000km und so zemli alle Luxus wo mer nid buecht hend: integrierts Navi, Spurhalteassistent, Panorama-Schiebedach – nur selber ipakiere tuet er nid oder mer hends noni usegfunde 😀
Los simmer gfahre, 4h richtig Kelowna.. dur d’Stadt, an See entlang, dur d’Berge.. wunderschöni Landschafte… <3 um 14.00 Uhr simmer in Kelowna acho, euses buechte Hostel (Privatzimmer und eigenem Badzimmer) Samesun Kelowna isch zmitzt im Zentrum gläge, chli aber herzig (z empfehle!).. immer nochli kaputt vom Areisetag hemer eus de mal gstärkt mit Burger & Sandwich, chli dur d’Stadt gschländeret, am See gsi und die 31 – 35 Grad gnosse 😀 Relativ früh hets eus denne is Bett gleit.
Murn gahts ab uf Revelstoke, 2.5h Fahrtziit.
I han alles im Grosi vor glese !! Sie hät mega freud gha !! Gnüssets witerhin !!
das isch super wenn sie au ufm laufende blibt ?
Sehr kuuli idee mitem blog ? i due also sehr gern läse, was ehr so möched und wies euch goht. Gnüsseds?
danke dir 🙂
Werde s imJobo und de Yan-pa aube vorläse 😉
haha guet 😀